ރާއްޖޭގެ އެކިކަންކޮޅުތަކުގައި ވޯޓުލުން ފަށައިފި

ރާއްޖޭގެ އެކިކަންކޮޅުތަކުގައި ވޯޓުލުން ފަށައިފިއެވެ. މި އިންތިހާބުތަކުގެ ވޯޓުލުން ކުރިއަށް ދާނީ މިއަދު ހެނދުނު 8:00 އިން ހަވީރު 4:00 އަށެވެ. މި އިންތިހާބުގައި 294،876 މީހުންނަށް ވޯޓުލުމުގެ ހައްގު ލިބިގެންވާއިރު އޭގެ ތެރެއިން 144،506 މީހުންނަކީ އަންހެނުން އަދި 150،370 އަކީ ފިރިހެނުންނެވެ. އިލެކްޝަންސް ކޮމިޝަނުން ވިދާޅުވީ ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު އަދި ރައްޔިތުންގެ ހިޔާލު ހޯދުމުގެ އާންމު ވޯޓުގެ ތެރެއިން، ވޯޓެއްގައި ބައިވެރިވާން ބޭނުން ނުވާނަމަ އެ ފުރުސަތު ކޮންމެ ދިވެހި ރައްޔިތަކަށް އޮންނާނެ ކަމަށެވެ. ވޯޓެއްގައި ބައިވެރިވާން ބޭނުން ނުވާ ކަމުގައި ވަނީނަމަ، އެ ކަރުދާސް ކޮޅު ނުދީ ވޯޓުލާ މަރުކަޒުތަކުގައި އެ ވަގުތު އިއުލާން ކުރާނެ ކަމަށް ކޮމިޝަނުން ވިދާޅުވެއެވެ. އިލެކްޝަންސް ކޮމިޝަނުން ރޭ ވިދާޅުވި ގޮތުގައި ވޯޓުލާ މަރުކަޒުތަކަށް ވެއްދޭނީ ނޫ ކުލައިގެ ގަލަމެކެވެ. އަދި ވޯޓު ލާ މަރުކަޒުތަކަށް ފޯނުތައް ނުވެއްދޭނެކަމަށާއި ވޯޓުލާން ބޭނުން ކުރޭވޭނީ އައިޑީ ކާޑު، ޕާސްޕޯޓު، ޑްރައިވިން ލައިސަންސް ފަދަ ތަކެތިކަމަށާއި އެއީ ޑިޖިޓަލް ކާޑުތަކަށް ވެގެން ނުވާނެކަމަށް އީސީންވަނީ ބުނެފައެވެ.