ރިޔާސީ އިންތިޚާބާއި، ރައްޔިތުންގެ މަޖިލިހުގެ އިންތިޚާބު އެއްދުވަހެއްގައި ބޭއްވުމަކީ ރާއްޖޭގެ ހިންގުމަށް ހެޔޮ ބަދަލެއް އަންނާނެ ކަމެއް ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ.
މައި ދެ އިންތިޚާބު އެއްކޮށްލުމަށް ރައްޔިތުންގެ ފެންނަ ނުފެންނަ ވޯޓެއް، އަންނަ އޭޕްރިލް މަހުގެ ހަތަރު ވަނަ ދުވަހު ބޭއްވުމަށް ރައީސް ޑރ. މުހައްމަދު މުއިއްޒު ވަނީ ނިންމަވައިފައެވެ. އެ އެ ވޯޓު ބާއްވާ ދުވަސް ދިމާވަނީ، ކައުންސިލްތަކާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީޓަކަށް މެންބަރުން އައްޔަންކުރުމަށް އިންތިޚާބު ބާއްވާ ދުވަހާއެވެ.
ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު ޢުމަރު ވިދާޅުވީ އެއްދުވަހެއްގައި ދެ އިންތިޚާބު ބާއްވަނީ އެކަމަށް ކުރަންޖެހޭ ޚަރަދުތައް ބޮޑުވާތީ ކަމަށެވެ. ވަޒީރު ވިދާޅުވީ، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާ ނެތްނަމަ، ރާއްޖޭގެ ލާމަރުކަޒީ ނިޒާމަށް މީގެ ކުރީން ލިބިފައިވާ ނިކަމެތިކަމާއި ހީނަރުކަން އަނެއްކާވެސް ލިބޭނެ ކަމަށް ވިދާޅުވެފައެވެ.
އަދި ދެ އިންތިޚާބު އެއްދުވަހެއްގައި ބޭއްވުމަކީ ކެމްޕޭނުގެ ދުވަސްވަރު އެކަމަކަށް ހުސްވެގެން ތިބޭ ތިބުމުގެ ބަދަލުގައި ބިނާކުރަނިވި މަސައްކަތް ކުރަން އިތުރު ވަގުތު ލިބިގެންދާނެ ކަމެއް ކަމަށް ވަޒީރު ވިދާޅުވިއެވެ. އެހެންކަމުން ވަޒީރު ގަބޫލުކުރައްވާ ގޮތުގައި ރާއްޖޭގެ ރަށްތައް ތަރައްގީކުރަން ބޭނުންވާނަމަ އެންމެ މުހިންމު ތަނަކަށް ވާނީ އެ ވުޒާރާއިން ކަމަށް ވަޒީރު ވަނީ ފާހަގަކުރައްވާފައެވެ.
ވަޒީރު ވަނީ ލޯކަލް ގަވަމެންޓް އޮތޯރިޓީ (އެލްޖީއޭ)އިން ކުރަމުންދާ މަސައްކަތްތަކާއި ވުޒާރާގެ ފަރާތުން ކުރަމުންދާ މަސައްކަތްތަކަކީ ތަފާތު މަސައްކަތްތަކެއްކަން ފާހަގަކޮށްފައެވެ. އެގޮތުން ވުޒާރާއިން ކުރަމުންދާ މަސައްކަތްތަކަކީ އެލްޖީއޭއިން ކުރާ މަސައްކަތުގެ ބޭރުން، ލާމަރުކަޒީ ނިޒާމަށް ސަޕޯޓު ދިނުމަށް ކުރާ މަސައްކަތްތައްކަން ވަޒީރު ވަނީ ފާހަގަކުރައްވާފައެވެ.