ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޖަރުމަނުވިލާތުގައި ދިރިއުޅޭ ދިވެހި ރައްޔިތުންނާ ބައްދަލުކުރައްވައިފިއެވެ.
މިއީ ރައީސް ޑރ. މުއިއްޒު ޖަރުމަނުވިލާތަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން ބޭއްވެވި ބައްދަލުކުރެއްވުމުގައި އެގައުމުގައި ދިރިއުޅޭ ރައްޔިތުންނާ ކުރެއްވި ބައްދަލުކުރެއްވުމެކެވެ.
ރައީސް ޑރ. މުއިއްޒު ވިދާޅުވީ އެމަނިކުފާނު ބޭރު ގައުމުތަކަށް ކުރައްވަމުން ގެންދަވާ ރަސްމީ ދަތުރުފުޅުތަކުގައި އެ ގައުމުތަކުގައި ދިރިއުޅެމުން އަންނަ ދިވެހި ރައްޔިތުންނާ ބައްދަލުކުރެއްވުމަކީ އެމަނިކުފާނު ހާއްސަ އިސްކަމެއް ދެއްވަމުން ގެންދަވާ ކަމެއް ކަމަށެވެ. އެހެންވެ، ޖަރުމަނުގެ ރައްޔިތުންނަށް ހެޔޮ އެދުންތައް އަރިސް ކުރެއްވިއެވެ.
މީގެ އިތުރުން މި ބައްދަލުކުރެއްވުމުގައި ބައިވެރިވި ދިވެހި ރައްޔިތުންނަށް، ރައީސުލްޖުމްހޫރިއްޔާއާއެކު ވަކިން ބައްދަލުކޮށް، އެ ރައްޔިތުންގެ ކަންބޮޑުވުންތައް ހިއްސާކުރުމަށް ފުރުސަތު ވަނީ ދެއްވާފައެވެ.
ރައީސް އޮފީހުން ބުނީ ގޮތުގައި މި ބައްދަލުކުރެއްވުމުގައި ރައީސް ވަނީ ބައްދަލުވުމަށް ހާޒިރުވެވަޑައިގެންނެވި ވަކިވަކި ބައިވެރިންނާ ބައްދަލުކުރައްވައި ވާހަކަފުޅު ދައްކަވައިފައެވެ. އަދި އެ ދިވެހިންގެ ހާލު އޮޅުންފިލުއްވައި އެމީހުން ބޭނުންވާ ކަންކަން އޮޅުންފިލުއްވި ކަމަށް ރައީސް އޮފީހުން ބުނެއެވެ.