އެޕްލިކޭޝަން ޑެޑްލައިނެއް ނުބާއްވައި ސްޓޫޑެންޓް ލޯނަށް އެދުމުގެ ފުރުޞަތު މުޅި އަހަރަށް ހުޅުވާލާގޮތަށް ނިންމާފައިވާކަމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. ޢަލީ ޙައިދަރު އަޙްމަދު ވިދާޅުވެއްޖެއެވެ.
ޙައިދަރު މިހެން ވިދާޅުވީ، މަތީ ތަޢުލީމާބެހޭ ވުޒާރާގެ މަސައްކަތްތަކާ ގުޅޭގޮތުން މަޢުލޫމާތުދިނުމަށް ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ. އެގޮތުން، މިއަހަރުގެ ލޯނު ސްކީމަށް މުހިންމު ބަދަލުތަކެއް ގެންނަން ސަރުކާރުން ނިންމަވާފައިވާކަން ޙައިދަރު ވަނީ ހާމަކުރައްވާފައެވެ.
ވަޒީރު ޑރ. ޙައިދަރު ވިދާޅުވީ، 2026 ގެ ލޯނު ސްކީމަށް އެދުމުގެ ފުރުޞަތު ހުޅުވާލުމަށްޓަކައި ޕޯޓަލް ތައްޔާރުކުރުމާއި އުސޫލު އެކުލަވާލުމުގެ މަސައްކަތް ކުރަމުންދާކަމަށެވެ. އަދި ސްކީމުގެ ކަންކަން ހަރުދަނާކުރުމަށްޓަކާ ކުރާ މަސައްކަތުގެ ތެރެއިން އެޕްލިކޭޝަން ޑެޑްލައިނެއް ނުބާއްވައި ލޯނަށް އެދުމުގެ ފުރުޞަތު މުޅި އަހަރަށް ހުޅުވާލާގޮތަށް ހަމަޖައްސާފައިވާކަމަށް ވަޒީރު ވިދާޅުވިއެވެ. އަދި މިކަމުގެ ސަބަބުން ލޯނަށް އެދޭ ދަރިވަރުންނަށް ފަސޭހަތަކެއް ލިބިގެންދާނެކަން ވަޒީރު ފާހަގަކުރެއްވިއެވެ.
ޙައިދަރު ވިދާޅުވީ، މިއަހަރުގެ ލޯނު ސްކީމަށް އެދުމުގެ ފުރުޞަތު ހުޅުވާލުމަށްޓަކައި ޕޯޓަލް ތައްޔާރުކުރުމާއި އުސޫލު އެކުލަވާލުމުގެ މަސައްކަތް ކުރަމުންދާކަމަށެވެ. އެގޮތުން، ސްކީމުގެ ކަންކަން ހަރުދަނާކުރުމަށްޓަކައި ކުރާ މަސައްކަތުގެ ތެރެއިން އެޕްލިކޭޝަން ޑެޑްލައިނެއް ނުބާއްވައި ލޯނަށް އެދުމުގެ ފުރުޞަތު މުޅި އަހަރަށް ހުޅުވާލާގޮތަށް ހަމަޖައްސާފައިވާކަމަށާއި މިކަމުގެ ސަބަބުން ލޯނަށް އެދޭ ދަރިވަރުންނަށް ފަސޭހަތަކެއް ލިބިގެންދާނެކަން ޙައިދަރު ފާހަގަކުރެއްވިއެވެ.
މަތީ ތަޢުލީމާބެހޭ ވަޒީރު ޑރ. ޙައިދަރު ވިދާޅުވީ، މި ބަދަލާއެކު، ދަރިވަރުން ލޯނު ހޯދަން އެދޭއިރު ހުށަހަޅަންވާ ލިޔުންތައްވެސް ތަފާތުވާނެކަމަށެވެ.
މީގެއިތުރުން، މި ބަދަލާއެކު ދަރިވަރުން ލޯނަށް އެދޭއިރު ހުށަހަޅަންޖެހޭ ލިޔުންތައްވެސް ތަފާތުވާނެކަމަށް ޙައިދަރު ވިދާޅުވިއެވެ. އެގޮތުން ލޯނަށް އެދޭއިރު ހުށަހަޅަންޖެހޭ ލިޔުންތަކަކީ:
- ކުރު މުއްދަތެއްގެ ތެރޭގައި ކިޔެވުން ފެށޭގޮތަށް، ކިޔަވައިދޭ މަރުކަޒުން ދޫކޮށްފައި އޮންނަ ޕްލޭސްމަންޓް/ އޮފަރ ލެޓަރ؛
- ފުރިހަމަކުރަން ބޭނުންވާ ޕްރޮގްރާމްގެ ފީ ސްޓްރަކްޗަރ؛ (ލޯނަށް އެދި ހުށަހެޅުން ހުވައިލުމަށް ކުރާ އިޢުލާނުގައި ނުހިމެނޭ ޤައުމެއްގައި ކިޔަވަން އެދޭނަމަ، ޚަރަދު އަޅައިކިޔުމަށް އިޢުލާނުކުރި ޤައުމެއްގެ ކިވައިދޭ މަރުކަޒެއްގެ ފީ ސްޓްރަކްޗަރވެސް ހުށަހަޅަންވާނެ)
- އެމްކިޔުއޭއިން ދޫކުރާ އިންޓެންޑެޑް ޕްރޮގްރާމް ރެކޮގްނިޝަން ލެޓަރ؛ (މި ލެޓަރ އޮތުމުގެ ބޭނުމަކީ ފުރިހަމަކުރަން ބޭނުންވާ ޕްރޮގްރާމުގެ ސެޓްފިކެޓް އެމްކިޔުއޭއިން ވެލިޑޭޓްކުމުގެ ޝަރުޠު ފުރިހަމަވާކަން ކަށަވަރުކުރުން)
- މަސައްކަތްކުރުމަށް ރެގިއުލޭޓަރީ އޮތޯރީއަކުން ހުއްދަދޭ ދާއިރާއަކުން ކިޔަވާނަމަ، އެ ފުރިހަމަކުރާ ޕްރޮގްރާމަކީ އެ އޮތޯރިޓީން ހުއްދަ ދޭ ޕްރޮގްރާމެއްކަން އަންގައިދޭ ލިޔުން.
ވަޒީރު ވިދާޅުވީ، ސްޓޫޑެންޓް ލޯނަށް އެދި ހުށަހެޅުމުގެ ފުރުޞަތު މި ފެށޭ ބަންދުދުވަސްތަކަށްފަހު ހުޅުވާލެވޭނެކަމަށެވެ. ވަޒީރު ވަނީ ލޯނަށް އެދެން ބޭނުންވާ ދަރިވަރުން ދުރާލާ ލިޔުންތައް ފުރިހަމަކޮށް ތައްޔާރުވުމަށް އިލްތިމާސްކުރައްވާފައެވެ. އަދި ފުރިހަމަ އެޕްލިކޭޝަނެއް ހުށަހަޅާ ދަރިވަރަކަށް ލޯނުގެ ފައިސާ ހަމަޖެހިގެން ދިޔުން، އިރާދަކުރެއްވިއްޔާ އެހެން އަހަރުތަކާ އަޅާބަލާއިރު ވަރަށް ބޮޑަށް އަވަސްވާނެކަމަށް ވަޒީރު ވިދާޅުވިއެވެ.
ސްޓޫޑެންޓް ލޯނުގެ ފައިސާ އަނބުރާ ދައްކާއިރު އެއްވެސް އިތުރު ސަރވިސް ޗާޖެއް ނުނަގާގޮތަށް މިދިޔަ އަހަރު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމާފައެވެ. ސަރުކާރުން މިގޮތަށް ނިންމެވީ ދަރިވަރުންނަށް ދޫކުރެވެނީ ޝަރީޢާ ކޮމްޕްލަޔަންޓް ލޯނަކަށް ހެދުމުގެ ބޭނުމުގައެވެ.