ރާއްޖޭގެ ވިޔަފާރިއާއި އިޤުތިޞާދީ ތަރައްޤީއާ އެންމެ ބޮޑަށް ގުޅިފައިވާ އެއް މަޝްރޫޢަކީ، މާލޭ ވިޔަފާރި ބަނދަރުގެ ޙާލަތު ބަދަލުކުރުންކަމަށް އިޤުތިސާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުހައްމަދު ސަޢީދު ވިދާޅުވެއްޖެއެވެ.
އެކްސްގައި ހިއްސާކުރެއްވި ޕޯސްޓެއްގައި ވަޒީރު ވަނީ، މާލެ ވިޔަފާރި ބަނދަރުގެ މުހިންމުކަމާއި އެމަސައްކަތް ކުރުމަށް ރައީސް ދެއްވަމުންދާ އަހައްމިއްޔަތުގެ ބޮޑުކަން ހިއްސާކުރައްވާފައެވެ.
ވަޒީރު ވިދާޅުވީ ރާއްޖޭގެ ވިޔަފާރިއާއި އިޤްތިޞާދީ ތަރައްޤީއާ އެންމެ ބޮޑަށް ގުޅިފައިވާ އެއް މަޝްރޫޢަކީ، މާލޭ ވިޔަފާރި ބަނދަރުގެ ޙާލަތު ބަދަލުކޮށް، ޒަމާނީކޮށް، އަދުގެ އިޤްތިޞާދީ ހަޤީޤަތްތަކާއި ފައިހަމަކުރުން މުހިންމު ކަމަށާއި، ވިޔަފާރީގެ ކާރުބާރު ހަލުވިކޮށް ފަސޭހަކޮށްދެވޭނެ ކަމަށެވެ.
އަދި މިކަމުގެ ޚިޔާލު މީގެ އެތައް އަހަރުތަކެއް ކުރިން ކަމާބެހޭ އިދާރާތަކުން ކުރަމުން ދިޔަކަމަށެވެ. ނަމަވެސް އެތައް ޒަމާނެއް ވެގެން ދިޔައިރުވެސް ރާއްޖޭގެ މައި ވިޔަފާރި ބަނދަރު އޮތީ އެންމެ ފުރަތަމަ މި ބަނދަރު މާލޭގައި ޤާއިމްކުރި މިންވަރަށް ކަމަށެވެ. ގެނެވިފައި ހުރީ ވަރަށް ކުދިކުދި ތަރައްޤީ ނަމަވެސް މި ޙާލަތު ބަދަލު ކުރެއްވުމަށް އިސް ނަންގަވައި، އެކަމުގެ ޢަމަލީ މަސައްކަތްޕުޅު ފައްޓަވައި، ޤައުމުގައި ހުރި އެ ނޫން މިފަދަ އެތައް ބޮޑެތި މައްސަލަތަކެއްވެސް ޙައްލުކުރައްވަމުން ރައީސް ޑރ. މުޙައްމަދު މުޢިއްޒު އެ ގެންދަވަނީ ހިކުމަތްތެރިކަމާއި އެކު. ދުނިޔޭގެ މަސްރަޙަށް އަންނަ އެކި ބަދަލުތަކާއި، އިޤްތިޞާދީ އެތައް ގޮންޖެހުމެއްގެ ތެރޭގައި، ޤައުމު ނިކަމެތިވެގެން ދާން ދޫކޮށްލައިގެން ތިބެވެން ނެތްކަން ހާމަ ކރަމުންެ ކަމަށެވެ.
ރައީސް ޑރ. މުޙަައްމަދު މުޢިއްޒު އެ ގެންދަވަނީ ހިތްވަރާއެކު ސާބިތުކޮށްދެއްވަމުން ކަމަށާއި، ވެރިއެއްގެ ޒިންމާއަކީ ހުރަސްތަކާއި އުނދަގޫތަކާއި ކުރިމަތިލައްވައި، އިޙްލާސްތެރި މަސައްކަތެއް ކޮށްދެއްވައި، އެ ޙާލަތުން ޤައުމު މިންޖުކޮށްދެއްވުންކަމަަށެވެ.