މިއަދަކީ ރާއްޖޭގެ ޑިމަކްރަސީގައި ކަޅު އަދި ލަދުވެތި ދުވަހެއް ކަމަށް އެމްޑީޕީގެ ޗެއާރޕާސަން ފައްޔާޒް އިސްމާއިލް ވިދާޅުވެއްޖެއެވެ.
ފައްޔާޒް އެކްސްގައި ކުރެއްވި ޕޯސްޓެއްގައި ވިދާޅުވީ މިއަދު ރައްޔިތުންގެ މަޖިލީހުގެ ރިޔާސަތުގައި އިންނެވި މެންބަރ އަފީފުގެ ކިބައިން ފެނިގެންދިޔައީ މަޖިލީހުގެ ކުރީގެ ރައީސް އަބްދުﷲ މަސީހް މުހައްމަދު މަޖިލީސް ހިންގެވި އިރަށްވުރެ، މާ ލަދުވެތި އަމަލުތަކެއް ކަމަށެވެ. ވިދާޅުވީ މިއަދަކީ ޑިމަކްރަސީގައި ކަޅު އަދި ލަދުވެތި ދުވަހެއް ކަމަށެވެ. މިނިސްޓަރ ފައްޔާޒު ވަނީ ރައީސް ނަޝީދުގެ އިތުބާރު ނެތް ކަމުގެ މައްސައާ ކުރިމަތިލަށްވަން ދަ ޑިމޮކްރެޓްސްގެ މެންބަރުންނަށާއި ރައީސް ނަޝީދަށް ގޮވާލަށްވާފައެވެ.
ރައްޔިތުންގެ މަޖިލީހަށް މިއަދު އެޖެންޑަރ ކޮށްފައި އޮތީ މަޖިލީހުގެ ރައީސް އެ މަގާމުން ވަކި ކުރުމުގެ ގަރާރެވެ.
މަޖިލީހުގެ މިއަދުގެ ޖަލްސާއަށް މަޖިލީހުގެ ނައިބު ރައީސް އީވާ އަބްދުﷲ ސަލާމް ފޮނުއްވަވާފައިވާތީ ވިލުފުށި ދާއިރާގެ މެންބަރު ހަސަން އަފީފު މަޖިލީހުގެ ރިޔާސަތުގައި އިންނަވާ ޖަލްސާ ފެށްޓަވިއެވެ.
މިއަދުގެ ޖަލްސާ ފެށުމާއެކު މެދު ހެންވޭރު ދާއިރާގެ ޑިމޮކްރެޓްސް މެމްބަރު އަދި މަޖިލީހުގެ މައިނޯރިޓީ ލީޑަރު އަލީ އާޒިމް ނިޒާމާ ބެހޭ ނުކުތާއެއް ކަމަށް ވިދާޅުވެ ފުރުސަތު ހޯއްދަވައިގެން ސުވާލުކުރެއްވީ މިއަދަށް ހުށަހަޅާފައި އޮތީ ކުއްލި މައްސަލައެއްތޯ، މައްސަލައެއްތޯ ނުވަތަ ގަރާރެއްތޯ ކަމަށެވެ. އަދި އެކި ފަހަރު މަތިން ޑިމޮކްރެޓްސްގެ މެންބަރުން ނިޒާމީ ނުކުތާ ނަންގައިވައި ވިދާޅުވެފައިވަނީ މަޖިލީހުގެ ރައީސް މުހައްމަދު ނަޝީދު ވަކި ކުރެއްވުމަށް ހުށަހަޅާފައިވާ ގަރާރު ހުށަހަޅާފައި އޮތީ މަޖިލީހުގެ ގަވާއިދާ ހިލަފަށް ކަމަށެވެ.
އެއާއެކީ އެމްޑީޕީގެ މެމްބަރުން ވަނީ މަޖިލީހުގެ ތަޅުމުގައި އަޑުގަދަ ކުރައްވަން ފަށްޓަވާފައެވެ.
އަދި ދެވަނަ ފަހަރަށް ނިޒާމީ ނުކުތާ ނަންގަވާ ޑިމޮކްރެޓްސް ގެ މެންބަރ އަލީ އާޒިމް ވަނީ ރައީސް ނަޝީދު ވަކި ކުރުމުގެ ގަރާރު ގަވާއިދާ ހިލާފަށް ހުށަހަޅައިގެން މަޖިލީހުގެ ޖަލްސާ ކުރިއަށް ގެންދެވުނަ ނުދެއްވާނެ ކަމަށް ވިދާޅުވެފައެވެެ.
މަޖިލީހުގެ ޖަލްސާ ހޫނު ވެގެންދިޔައިރު، އެމްޑީޕީގެ މެމްބަރުން ވިދާޅުވަމުން ގެންދެވީ ރިޔާސަތުން ހަސަން އަފީފު މަސައްކަތް ކުރައްވަނީ ޖަލްސާ ކުރިއަށް ނުގެންދަވަން ކަމަށެވެ. އަދި މެންބަރ އާޒިމް ހުށަހެޅުއްވި ނިޒާމީ ނުކުތާ ބަލަގަނެ މެންބަރ އަފީފް މިއަދުގެ މަޖިލިސް ނިންމައިލެއްވީ، އެ ގަރާރު އަލުން ހުށަހެޅުމަށް އެމްޑީޕީ މެންބަރުންނަށް އެންގެވުމަށް ފަހުއެވެ.