ބޭސްފަރުވާއަށް ހުޅުމާލެ ހޮސްޕިޓަލަށް ގެންދިޔަ ގައިދީ އަކު ހޯދާ އަބުރާ ކަރެކްޝަން ސާވިސްއާއި ހަވާލުކޮށްފަައިވާ ކަމަށް ފުލުހުން ބުނެފިއެވެ.
ފުލުހުން މިޑިއާތަކަށް ފޮނުވި މެސެޖެއްގައި ބުނީ މޯލްޑިވްސް ކަރެކްޝަނަލް ސަރވިސްގެ ބެލުމުގެ ދަށުގައި ހުރި ގައިދީއަކު، ބޭސްފަރުވާއަށް ހުޅުމާލެ ހޮސްޕިޓަލަށް ގެންގޮސްފައި ވަނިކޮށް ފިލި މައްސަލައެއް، މެއި 20 ވަނަ ދުވަހުގެ ރޭ ފުލުހުންނަށް ވަނީ ހުށަހަޅާފަ ކަމަށެވެ.
އެހެންކަމުން އެ މީހާ ހޯދުމުގެ މަސައްކަތް ފުލުހުން ކުރަމުންދަނިކޮށް މެއި 21 ވަނަ ދުވަހު މީނާ ވަނީ ފުލުހުންގެ ބެލުމުގެ ދަށަށް ގެނެސް ކަރެކްޝަނަލް ސާރވިސް އާއި ހަވާލުކުރެވިފަ ކަމަށެވެ.