ޓްރަމްޕްގެ ސަރުކާރުން ހަނގުރާމައިގެ ޒަރީއާއިން އީރާނުގެ ވެރިކަން ބަދަލުކުރުމަށް މަސައްކަތްކުރި ނަމަވެސް، އޭގެ ބަދަލުގައި ފެނިގެންދިޔައީ އެމެރިކާގެ އަމިއްލަ ޤައުމުގެ އެތެރޭގައި "ފާހަގަކޮށްލެވޭ ބޮޑު ބަދަލެއް" އައި ތަން ކަމަށް މިޞްރުގައި ހުންނަ އީރާނުގެ ޑިޕްލޮމެޓިކް މިޝަންގެ އިސްވެރިޔާ މުޖްތަބާ ފިރްދައުސީ ޕޫރު ވިދާޅުވެއްޖެއެވެ. މީގެ ކުރިން، އީރާނުގެ ރޫޙީ ލީޑަރު މުޖްތަބާ ޚާމަނާއީ ވިދާޅުވެފައިވަނީ، ޓްރަމްޕްގެ ވެރިކަމުގައި އެމެރިކާގެ އަސްކަރީ ބާރާއި ދުނިޔޭގެ ޑިޕްލޮމެޓިކް ނުފޫޒަށް "އިޔާދަނުކުރެވޭނެ ފަދަ އިނދަޖެހުމެއް" ކުރިމަތިވެފައިވާ ކަމަށެވެ. އަނިޔާވެރިންގެ ބޮޑާކަމުގެ ނަތީޖާއެއްގެ ގޮތުން، އެމެރިކާގެ ދަށަށްދަމުންދާ ބާރާއި ނުފޫޒަށް ވަނީ، އަސްކަރީ ހަރުދަނާ ބާރުގެ ގޮތުންނާއި ބައިނަލްއަޤްވާމީ ބާރުގެ ގޮތުން ވެސް އަނބުރާ ރުޖޫޢަނުކުރެވޭނެ ފަދަ ވެއްޓުމަކާ ކުރިމަތިވެފައިކަމަށާއި އެ ޤައުމު ބައިބައިވެ ނެތިދިއުމުގެ މަރުޙަލާ ވަނީ އިތުރަށް އަވަސްވެފައިކަމަށް ޓެލެގްރާމްގައި ނެރުއްވި ބަޔާނެއްގައި ޚާމަނާއީ ވިދާޅުވިއެވެ.