އެމްޑަބްލިޔުއެސްސީ ޝޯރޫމަށް 10 އަހަރު ފުރުމާ ގުޅިގެން ޚާއްސަ ޑިސްކައުންޓް ލިބޭ ޕްރޮމޯޝަނެއް ފަށައިފިއެވެ.
އިއްޔެ ފެށި މި ޚާއްސަ ޕްރޮމޯޝަން ކުރިއަށް ދާނީ އަންނަ ނޮވެމްބަރު މަހުގެ 29 ގެ ނިޔަލަށެވެ.
މި ޕްރޮމޯޝަންގެ ދަށުން ބޮޑެތި ޑިސްކައުންޓު ލިބޭ ޕްރޮޑަކްޓުތަކާއި ޚިދުމަތްތަކުގެ ތެރޭގައި އެކި ވައްތަރުގެ ފެން މީޓަރާއި، ޕަންޕު އަދި ފެން ތަހުލީލުކުރާ ތަފާތު އާލާތްތައް ހިމެނެއެވެ. މި މުއްދަތުގެ ތެރޭގައި ވިޔަފާރިކުރާ ހުރިހާ ފަރާތްތަކަށް ވެސް ޚާއްސަ އަގުތަކެއްގައި މި ތަކެތި ލިބިގެންދާނެއެވެ.
އެމްޑަބްލިޔުއެސްސީ ޝޯރޫމަކީ ފެނާއި ނަރުދަމާގެ އެކި މަސައްކަތަށް ބޭނުންވާ ޕްރޮޑަކްޓާއި ސްޕެއަރ ޕާޓްސް އަދި ފެން ތަހުލީލުކުރުންފަދަ ޚިދުމަތްތައް ކަސްޓަމަރުންނަށް ފޯރުކޮށްދިނުމަށް 2016 ވަނަ އަހަރު ހުޅުވާލި ޚާއްސަ ޓްރޭޑް ސެންޓަރެކެވެ.
މި ޕްރޮމޯޝަނާ ބެހޭ އިތުރު މައުލޫމާތު ހޯދާލުމަށް ސޭލްސް ހޮޓްލައިން 7960022 އަށް ގުޅުއްވާ ނުވަތަ ޝޯރޫމަށް ގޮސްގެންވެސް ބަލާލެވޭނެއެވެ.