ރ. މަޑުއްވަރީގައި ބިދޭސީ އަންހެނަކާ މާރާމާރީ ހިންގައި، އޭނާގެ އަތުން ފައިސާ ފޭރުނު މައްސަލައަކާ ގުޅިގެން މީހަކު ހައްޔަރުކޮށްފިއެވެ.
ފުލުހުން ބުނީ މި މައްސަލައާ ގުޅިގެން 2026 ސެޕްޓެމްބަރު 26 ވަނަ ދުވަހު ކޯޓު އަމުރެއްގެ ދަށުން 24 އަހަރުގެ ނޭޕާލް ފިރިހެނަކު ވަނީ ހައްޔަރުކޮށްފައިވާ ކަމަށެވެ. މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ފަސް ދުވަހަށް ބަންދުކުރުމަށް ވަނީ އަމުރުކޮށްފައެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.