.jpg&w=256&q=75)
ފިލިޕީންސްއަށް އެރި ތޫފާން ފަންގް-ވޮންގް ގެ ސަބަބުން 2 މީހުން މަރުވެ، 1.4 މިލިއަން މީހުންގެ ގެދޮރު ގެއްލި ހާލުގައި ޖެހިއްޖެއެވެ.
މި ތޫފާނުގެ ސަބަބުން، އެ ޤައުމުގެ އެންމެ ގިނަ މީހުން ދިރިއުޅޭ ރަށުގައި ގޭގެއާއި މަގުތައް ވަނީ ހަލާކުވެފައެވެ. 64 މިލިއަން މީހުން ދިރިއުޅޭ ލޫޒޮންގައި، ސަރުކާރުން ހުރިހާ ދަތުރުފަތުރުގެ ޚިދުމަތްތައް މިހާރު އަލުން ފަށަން ހުއްދަ ދިންއިރު، ހޯމަ ދުވަހުގެ ހެނދުނު ސަލާމަތީ މަސައްކަތްތެރިން ވަނީ ސުންނާފަތިވެފައިވާ ސަރަހައްދުތައް އަލުން ބިނާކުރުމުގެ މަސައްކަތް ފަށާފައެވެ.
ކަރަންޓުގެ ވަސީލަތްތަކާއި، ކީހާ އަދި ބަރު މެޝިނަރީ ބޭނުންކޮށްގެން މަސައްކަތްކުރާ ޓީމުތަކުން ވަނީ ހަލާކުވެފައިވާ ތަންތަން މަރާމާތުކުރަން ފަށާފައެވެ. އަދި ހާލުގައި ޖެހުނު މީހުންނަށް އެހީވުމަށާއި ސަލާމަތީ މަސައްކަތްތަކުގައި އެހީތެރިވުމަށްޓަކައި ފިލިޕީންސް ކޯސްޓް ގާޑް، ފުލުހުން އަދި އަސްކަރީ ޚިދުމަތުގެ އޮފިސަރުން ވަނީ ނެރެފައެވެ.
ކަރަންޓު ނެތް އިރުމަތީ އައްސޭރީގެ ޓައުން ކަމަށްވާ ދިޕަކުލާއޯގައި، އެ ސަރަޙައްދުގެ ފަޔަރ އެޖެންސީން ހިއްސާކުރި ފުޓޭޖްތަކުން ދައްކާ ގޮތުގައި، މަގު ސާފުކުރުމުގެ ތެރޭގައި ވެއްޓިފައިވާ ގަސްތަކާއި، އެއްލާލާފައިވާ ފުރާޅުތައް ހިމެނޭހެން މަގުތަކަށް ޖަމާވެފައިވާ ކުނިތައް ނަގާ ސާފުކުރުމުގެ މަސައްކަތްތައްވެސް ދަނީ ކުރަމުންނެވެ.
ގަޑިއަކު 185 ކިލޯމީޓަރު (115 މޭލު) ބާރުމިނުގައި ވައިޖެހި، ގަޑިއަކު 230 ކިލޯމީޓަރު (143 މޭލު) އަށް ވައިގަދަވި ތޫފާން ފަންގް-ވޮންގް ވަނީ އާރޯރާ ޕްރޮވިންސަށް އާދިއްތަ ދުވަހުގެ ރޭ އަރާފައެވެ. އަދި ބޯކޮށް ވާރޭވެހި، ހާޒާރު މީހުންގެ ކަރަންޓު ވަނީ ކަނޑާލާފައެވެ.
ދެކުނު ޗައިނާ ކަނޑުގެ މަތިން ހުޅަނގު އުތުރަށް މި ތޫފާން ދަތުރުކުރަމުން ދާއިރު، ތޫފާނުގެ ބާރުމިހާރުވަނީ ދަށްވެފައެވެ.