ދިވެހި ކޮންމެ ރައްޔިތަކުވެސް އަބަދުވެސް އެދެނި ކުރިއަރައިދާން ކަމަށާއި، ނަމަވެސް އަދުގެ ސަރުކާރު އޮތީ ދިވެހި ކޮންމެ ޒުވާނެއްގެ ނޭވާ ހޮޅީގައި އަތް އަޅައިގެން ކަމަށް އެމްޑީގެ ކުރީގެ ރައީސް އަބްދުއްﷲ ޝާހިދު ވިދާޅުވެއްޖެއެވެ.
އެމްޑީޕީގެ 5 ވަނަ ކޮންގްރެސްގައި ވާހަކަ ދައްކަވަމުން ޝާހިދު ވިދާޅުވީ ޕީއެންސީ އަށް ކުރަން އެގެނީ ޓަކާޓަކާ ގެ ވެރިކަން ކަމަށެވެ. ޕީއެންސީ އަށް ވައްކަން ނޫން އެއްޗެއް ކުރަން ނޭގޭނެ ކަމަށެވެ. ރައްޔިތުން އެދޭ ބަދަލް ގުޅިފައިވަނީ ރައްވެހި ތަރައްގީ އާއި ކަމަށާއި، ލާމަރުކަޒީ ކުރަން ނުދައްނަ ކައުންސިލްތަކުގެ ބަރު ކަޑުވާލި ސަރުކާރަކީވެސް ޕީއެންސީ ކަމަށެވެ.
މީގެ އިތުރުން ޝާހިދުވަނީ ރަސްމާލެ އެގްރީމެންޓްއާއި ގުޅޭގޮތުން ވެސް ވާހަކަ ދައްކާފައެވެ. އެގޮތުން ވިދާޅުވީ ޑިޕްލޮމެޓިކް ގުޅުންތަކަކީ އިގުތިސާދުގެ މައިނާރު ކަމަށާއި، އެ ގުޅުންތަކަށް ބުރޫއަރައިފިނަމަ އޭގެ ނިކަމެތިކަން ތަހައްމަލުކުރަން ޖެހޭނީ އާންމު ރައްޔިތުންނާއި ކުދި ވިޔަފާރިތަކުން ކަމަށެވެ.
ޝާހިދު ވަނީ މިހާރުގެ ސަރުކާރުން ފުށިދިއްގަރުފަޅު ނުވަތަ ރަސްމާލެ މަޝްރޫއާ ގުޅިގެން ސޮއިކުރި ކަމަށް ބުނާ އެގްރީމެންޓުގެ ސިއްރުވެރިކަމާމެދު ކަންބޮޑުވުން ފާޅުކުރައްވާފަ އެވެ.
އަދި މި ސަރުކާރުގައި ޓްރާންސްޕޭރެންސީ އާއި ގުޑް ގަވަރނަންސްގެ ކަންފުޅެއް ވެސް ނެތުމުގެ ސަބަބުން، އެ އެގްރީމެންޓުގައި އޮތީ ކޮން އެއްޗެއްކަން އެނގޭ ހަމަ އެކަކު ވެސް ނެތް ކަމަށް ވިދާޅުވިއެވެ. އަދި މީގެ ސަބަބުން ރައްޔިތުންނަށް ޖެހެނީ 'ސްޕެކިއުލޭޓް' ކުރަން ކަމަށާއި، އޭގެ ހިތި ނަތީޖާއަކަށް ވާނީ އެކުވެރި ދައުލަތްތަކާއެކު އޮންނަ ގުޅުން ހީނަރުވުން ކަމަށް އޭނާ ފާހަގަކުރެއްވި އެވެ.
ޝާހިދު ވަނީ ރަސްމާލެ އެގްރީމެންޓް ހާމަކުރުމަށް ވެސް ގޮވާލައްވާފަ އެވެ.
ފުށިދިއްގަރުފަޅުގެ އެގްރީމެންޓަކީ "ޑިސެޕްޓަސް އެބް އިނީޝިއޯ" ނުވަތަ އުފެދުމުގައި ވެސް އޮޅުވާލުމެއް ކަމަށް ސިފަކުރައްވަމުން، ފަޅު ހިއްކުމުގައި ފައިސާ ހަރަދުކުރި ގޮތާއި، ވެލިއެޅި ގޮތުގެ އިތުރުން ފަޅަށް ކިޔާ ނަމާއި ދިން އެގްރީމެންޓުގައި ވެސް ބޮޑެތި އޮޅުވާލުންތަކެއް ހުރި ކަމަށް ޝާހިދު ތުހުމަތުކުރެއްވި އެވެ.