ހުޅުމާލެއިން ގޯތި ލިބިފައިވާކަމަށް ދެއްކުމުގެ ގޮތުން ޞައްޙަނޫން ލިޔުންތަކެއް އުފެއްދި މައްސަލައިގައި ފަޒީލް ހިމެނޭހެން އިތުރު ބަޔަކަށް ދައުވާ އުފުލައިފިއެވެ.
"ޕްރޮސެކިއުޓާރ ޖެނެރަލް އޮފީސް( ޕީޖީ) އިން ބުނީ ބިންވެރިޔާ" ސްކީމުން ގޯތި ލިބިފައިނުވާ މީހުން، ގޯތި ލިބިފައިވާކަމަށް ދައްކައި ޞައްޙަނޫން ލިޔެކިޔުން ހަދައިގެން ހައުސިންގ ޑިވަލޮޕްމަންޓް ކޯޕަރޭޝަނަށް ހުށަހަޅާފައިވާކަމަށް ތުހުމަތުކުރެވޭ މައްސަލާގައި ަޢުވާތައް ކުރުމަށް 1 މާރިޗު 2026 ދުވަހު ކްރިމިނަލް ކޯޓަށް ހުށަހަޅައިފައިވާ ކަމަށެވެ.
މި ކުށުގެ ދައުވާ އަކީ ޞައްޙަނޫން ލިޔުމެއް އުފެއްދުމުގެ ކުށުގެ ދަޢުވާއެވެ.
ސައްހަ ނޫން ލިޔުމެއް ދިނުމުގެ ކުށުގެ ދައުވާ އުފުލި މީހުން
- މުހައްމަދު ފަޒީލް ރަޝީދު، މ. ޒޭވަރު، މާލެ
- މަރިޔަމް ސާއީ، ހަޒާރުމާގެ، ސ. ހިތަދޫ
- އީމާ ވަހީދު، ދިލް، ދޫޑިގަން، ފުވައްމުލައް
- އައިޝަތު މައުރޫފާ، ދަފްތަރު ނަންބަރު ރސ 9044
- މުހައްމަދު އާދަމް، ހުޅުމާލެ ފްލެޓު ނަންބަރު 02-ޖީ-46
- އަބްދުލްމަޖީދު މާހިރު، ޖަމީލާ، ހއ. ދިއްދޫ
- ހުސައިން ޒާހިރު ޒައިނު، މ. ވެސްޓުކޯސްޓް، މާލެ
- އަޝްހަދު އަލީ، މ. ފަޅުމަތީގެ، މާލެ
- އަހުމަދު އަލީ، މ. ފަޅުމަތީގެ، މާލެ
ސައްހަނޫން ލިޔުމެއް އުފެއްދުމުގެ ކުށުގެ ދައުވާ އުފުލި މީހުން
- އަހުމަދު އަތީގު އަބްދުالله، ގ. ޕޫލްބަހާރުއާގެ، މާލެ
- އަހުމަދު މާޒިން، ޑޭޒީމާގެ، ނ. ވެލިދޫ
މިގޮތުން މިހުންނަށް ޖުމްލަ ތިން ދައުވާއެއް ކޮށްފައިވާއިރު، ގ. ޕޫލްބަހާރުއާގެ، އަޙްމަދު ޢަތީޤް ޢަބްދުالله އާއި، ނ. ވެލިދޫ، ޑޭޒީމާގެ އަޙްމަދު މާޒިން އަށް ދައުވާ ކޮށްފައިވަނީ ބިންވެރިޔާ ސްކީމްގެ ދަށުން ހުޅުމާލެ އަދި ގުޅީ ފަޅުން ބިން ދޫކުރުމަށް ފޯމު ހުށަހެޅުމަށް އާންމުކޮށް ހުޅުވާލި ދުވަސްވަރު، އާންމުން ހުށަހެޅި ފޯމުތަކުގެ މަސައްކަތްކުރުމުގައި އުޅެމުން، ބިންވެރިޔާ ސްކީމްގެ ދަށުން ދޫކޮށްފައިވާ ބިމުގެ ހައްޤުވެރިކަން އެނގޭނޭ ސައްހަނޫން ރަޖިސްޓްރީ އަދި އެއްބަސްވުން އުފައްދާފައިވާތީއެވެ. މ. ފަޅުމަތީގެ، އަރުޝަދު ޢަލީ އަށް ކުރި ދައުވާގައިވަނީ ބިންވެރިޔާ ސްކީމްގެ މަސައްކަތުގައި އުޅެމުންދިޔަ، ނ. ވެލިދޫ، ޑޭޒީމާގެ، އަޙްމަދު މާޒިންއާ ބައިވެރިވެގެން، ބިންވެރިޔާ ސްކީމްގެ ދަށުން ދޫކޮށްފައިވާ ބިމުގެ ހައްޤުވެރިންކަމަށް ރަމްޒުކޮށްދޭ ސައްހަނޫން ރަޖިސްޓްރީއާއި އެއްބަސްވުތަކެއް އުފައްދައިފައިވާތީއެވެ.
އަދި މީގެ އިތުރުން ދެންތިބި ފަރާތްތަކަށް ދައުވާ ކޮށްފައިވަނީ ބިންވެރިޔާ ސްކީމްގެ ދަށުން ހުޅުމާލެއިން ގޯތި ލިބިފައިވާކަން ދައްކައި، އެ ގޯތީގެ ވަށާފާރު ރޭނުމުގެ މަސައްކަތްކުރުމުގެ ހުއްދަ ހޯދުމުގެ ގޮތުން، އެ ގޯތީގެ ސައްޙަނޫން އެއްބަސްވުމާއި، ސައްޙަނޫން ރަޖިސްޓްރީ ހައުސިންގ ޑިވަލޮޕްމަންޓް ކޯޕަރޭޝަންއަށް ހުށަހަޅާފައިވާތީ ކަމަށް ވެސް ރިޕޯޓްގައި ވަނީ ބުނެފައެވެ.
ބިންވެރިޔާ ސްކީމާ ގުޅޭ މައްސަލާގައި ކޮރަޕްޝަންގެ ޢަމަލުތަކެއް ހިމެނޭތީ، އެ ބައިތައް ވަކި މައްސަލައެއް ގޮތުގައި އެންޓި-ކޮރަޕްޝަން ކޮމިޝަނުން ގެންދަނީ ތަޙުޤީޤުކުރަމުން ކަމަށާއި، އެ މައްސަލައިގެ ތަޙުޤީޤު ނިމުމުން ދަޢުވާކުރުމާމެދު ޕީޖީ އޮފީހުން ގޮތެއް ނިންމާނެ ކަމަށް ވެސް ބުނެފައި ވެއެވެ.