ދެހާސް ސައުވީސް ވަނަ އަހަރުގެ ރޯދަ މަހު އުމްރާއަށް މީހުން ގެންގޮސް ހާލުގައި ޖައްސާ އުމްރާވެރިންނަށް ލަނޑުދީގެން ޖަލަށް ލި މަޝްއަރު ގްރޫޕްގެ ވެރިޔާ އަލީ ފާރިޝް ގޭބަންދަށް ބަދަލުކޮށްފިއެވެ.އުމުރާ އަށް ދިއުމަށްފަހު މާލެ ނާދެވި އުމްރާވެރިން ތާށިވެ އެ މީހުން މަޝްއަރު ގްރޫޕަށް ދެއްކި ފައިސާތަކަށް އެ ގްރޫޕުން ވަނީ ހިޔާނަތްތެރިވެފައެވެ.
އެ މައްސަލައިގައި ފާރިޝް އަށް ހުކުމްކުރީ ތިން އަހަރާއި ދެ މަސް ދުވަހާއި 12ދުވަހަށް ޖަލަށް ލުމަށެވެ. އޭނާ އަށް ހުކުމްކުރީ މިދިޔަ ސެޕްޓެމްބަރު މަހުގެ ތެރޭގައެވެ.
މި މައްސަލައާއި ގުޅޭ ގޮތުން ކަރެކްޝަންސްއިން ބުނީ ފާރިޝްގެ ގޭ ބަންދަށް ބަދަލުކުރީ ސިއްހީ ހާލަތު ގޯސްވުމުން ކަމަށާއި، އޭނާ މީގެ ދެ ދުވަހެއްހާ ދުވަސްކުރިން ވަނީ ގޭބަންދަށް ބަދަލުކޮށްފަ ކަމަށެވެ.
ސިއްހީ ހާލަތާއި ހުރެ ގޭބަންދަށް ބަދަލުކުރި ނަމަވެސް ކަރެކްޝަނު ް ބުނީ އޭނާ ގޭބަންދަށް ބަދަލުކުރީ ވަގުތީ ގޮތުން ކަމަށެވެ.