ނަސްރުގެ ދުވަހާ ގުޅިގެން ބާއްވާ ހަރަކާތްތަކުގެ ފަރިތަކުރުންތަކަށް ކުރިއަށް އޮތް ހަ ދުވަހަށް، ޖުމްހޫރީ މައިދާން ސަރަހައްދު ބަންދުކުރަން ނިންމައިފިއެވެ.
ނަސްރުގެ ދުވަހުގެ ފަރިތަކުރުންތައް މިއަދުން ފެށިގެން އަންނަ ނޮވެމްބަރު މަހުގެ 2 ވަނަ ދުވަހުގެ ނިޔަލަށް ކުރިއަށްދާނެ ކަމަށެވެ.
މި މުއްދަތުގައި ކޮންމެ ދުވަހެއްގެ ވެސް ހަވީރު 4:00 އިން 6:00 އަށް ޖުމްހޫރީ މައިދާން ހިމެނޭ ސަރަހައްދު އާންމު ދަތުރުފަތުރަށާއި ހިނގާބިނގާވެ އުޅުމަށް ބަންދުވާނެއެވެ.
ނަސްރުގެ ދުވަސް ރާއްޖޭގައި ފާހަގަކުރަނީ 3 ނޮވެމްބަރު 1988 ގައި ރާއްޖެއަށް ދިން އުދުވާނީ ހަމަލާއިން ދިވެހިރާއްޖެ ސަލާމަތްވެ، ލިބުނު ފަޚުރުވެރި ނަސްރުގެ ޒިކުރާ އާކުރުމުގެ ގޮތުންނެވެ.
އެ ދުވަސް ފާހަގަކުރުމަށް ސިފައިންނާއި ފުލުހުން އަދި ކަމާބެހޭ އިދާރާތަކުން ކޮންމެ އަހަރަކު ވެސް ޚާއްސަ ހަރަކާތްތަކެއް ކުރިއަށްގެންދެއެވެ