ކަނޑުމަގުން ރާއްޖެ އެތެރެކުރި އުޅުނު ގިނަ އަދަދެއްގެ ސިނގިރޭޓް މޯލްޑިވްސް ކަސްޓަމްސް ސަރވިސްއިން އަތުލައިގެންފި އެވެ.
ކަސްޓަމް އިން ބުނީ އެ ތަކެތި އަތުލައިގަތީ، މި މަހުގެ 5 ވަނަ ދުވަހު މާލޭ ޕޯޓުން ކަމަށެވެ. މި ތަކެތި އަތުލައިގަނެފައިވަނީ މާލެ ކޮމާޝަލް ހާބަރަށް ބޭލި މުދަލުގެ ތެރެއިންނެވެ.
އަތުލައިގެންފައި ވަނީ 99،000( ނުވަދިހަ ނުވާހާސް) ސިނގިރޭޓެވެ. ނަމަވެސް މިކަމާ ގުޅޭ އިތުރު ތަފުސީލެއް ކަސްޓމް އިން ދީފަ ނުވެއެވެ.މިއީ ގަވާއިދާ ހިލާފަށް ސިއްރުން ރާއްޖެއަށް އެތެރެކުރަން މަސައްކަތް ކުރި ސިނގިރޭޓް ތަކެކެވެ. ނަމަވެސް، މި މައްސަލައާ ގުޅިގެން މިހާތަނަށް އަދި އެއްވެސް މީހަކު ހައްޔަރުކޮށްފައިވާ ކަމުގެ މައުލޫމާތެއް ލިބިފައި ނުވެއެވެ. އަދި ކަސްޓަމްސްއިން ވެސް ހާމަކޮށްފައި ނުވެއެވެ.
ސިނގިރޭޓް ގާނޫނަށް ގެނައި ބަދަލަށްފަހު ރާއްޖެ އަށް ގަވާއިދާ ޚިލާފަށް އެތެރެކުރަން އުޅުނު 2 މިލިޔަން ސިނގިރޭޓު ކަސްޓަމްސް އިން މިހާތަނަށް ވަނީ އަތުލައިގެންފަ އެވެ.