އައްޑޫ ސިޓީ ފޭދޫ ބަނދަރު ބޭރުގައި އަޅާފައިއޮތް ޑައިވިންގ ދޯނެޏެއްގައި އަލިފާން ރޯވެގެން އެމްއެންޑީއެފް ސަދަން އޭރިއާ ކޮމާންޑް، ފަޔަރ ފައިޓަރުން ހަރަކާތްތެރިވާން ފަށައިފިއެވެ.
އެމްއެންޑީއެފް އިން އެކްސްގައި ކޮށްފައިވާ ޕޯސްޓެއްގައި ބުނީ ޑައިވިން ދޯންޏެއްގައި އަލިފާން ރޯވެގެން އުޅޭކަމުގެ ރިޕޯޓް ލިބުމާ ގުޅިގެން، އެމްއެންޑީއެފް ސަދަން އޭރިއާ ކޮމާންޑް ފަޔާ ސްޓޭޝަނުގެ ސިފައިން އެ ސަރަހައްދުގައި ހަރަކާތްތެރިވަމުން އަންނަ ކަމަށެވެ.
އަދި އެ ދޯނީގައި އެއްވެސް މީހަކު ހުރިކަމެއް ނުވަތަ ނޫންކަމެއް މިހާތަނަށް ކަށަވަރު ކުރެވިފައެއް ނުވާ ކަމަށާއި، އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށްވެސް އެމްއެންޑިއެފް އިން ވަނީ ބުނެފައެވެ.
އެ އުޅަނދު އަނދާ މަންޒަރު ފެންނަ ވީޑިއޯތަކެއް ވެސް ސޯޝަލް މީޑިއާގައި މިހާރު ދައުރުވެފައިވާއިރު، ވީޑިއޯތަކުން ފެންނަ ގޮތުގައި ކަޅު ބޯ ދުން އަރާ ތަން ވެސް ފެނެ އެވެ.