އެންޓި ސްކޭމް ސެންޓަރުން ތަހުގީގުކުރާ މައްސަލައެއްގެ ތަހުގީގަށް އަންހެނަކު ހޯދަން ފަށައިފި އެވެ.
ފުލުހުން މި މައްސަލައިގެ ތަހުގީގަށް ހާޒިރުކުރަން ބޭނުންވަނީ ތ. ހިރިލަންދޫ، ނާގަލި، ޢާއިޝަތު ނާޛިރާ 41 އަހަރެއެވެ.
ނާޛިރާ ހޯދުމަށް އިއުލާނުކުރީ، އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމުގެ ޗިޓު ރައްދުކުރެވޭގޮތް ނުވުމުންނެވެ. އެހެންކަމުން، ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން، އޭނާ ތަހުގީގަށް ހާޒިރުވުމަށް ފުލުހުން ވަނީ އަންގާފައެވެ.
ފުލުހުން މައުލޫމާތު ދޭ ގޮތުގައި ނާޛިރާ ހާޒިރުކުރެވެނީ ސްކޭމްގެ މައްސަލައެއްގައި ކުރެވޭ ތުހުމަތުތަކާ ގުޅިގެން ސުވާލުކުރުމަށެވެ.
މި މައްސަލައިގެ ތަހުގީގަށް ތުހުމަތުގައި ސުވާލުކުރުމަށް މި މަހުގެ 10 ވަނަ ދުވަހުގެ މެންދުރުފަހު 2:00 އަށް ސާޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގްއަށް ހާޒިރުވުމަށް ފުލުހުން ވަނީ އޭނާއަށް އަންގާފަ އެވެ.