ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ މައްސަލަތައް އަލުން ބަލަން ފަށައިފިއެވެ.
ޔާމީންގެ މައްޗަށް އަޑުއެހުމެއް ނުބާއްވާތާ ވަނީ އަހަރެއްހާ ދުވަސްފާއިތުވެފައެެވެ.
ޔާމީން ގެ މައްޗަށް ކުރިއަށްދާ ޝަރީއަތަކީ އެމްއެމްޕީއާރުސީ މެދުވެރިކޮށް ވ. އާރަށް ކުއްޔަށް ދިނުމުގައި ރިޝްވަތު ނެންގެވުމާއި މަނީ ލޯންޑާ ކުރެއްވި ކަމަށް ތުހުމަތުކުރާ މައްސަލައިގެ ޝަރިއަތެވެ.
ގއ. ވޮޑަމުއްލާގެ އެއް މިލިއަން ޑޮލަރު ލޯންޑާ ކުރިކަން ސާބިތުވެ ޔާމީނަށް އިއްވި ފަސް އަހަރުގެ ހުކުމާ ގުޅިގެން އެމަނިކުފާނު ގިނަ ދުވަސްތަކެއް ވަންދެން ޖަލުގައި އޮންނެވިއެވެ. ކްރިމިނަލް ކޯޓުން ޑިސެމްބަރުގައި 2019 ގައި ކުރި ހުކުމް ހައި ކޯޓުން ދެމެހެއްޓި ނަމަވެސް ސުޕްރީމް ކޯޓުން ހުކުމް ބާތިލް ކުރުމުން އެމަނިކުފާނު މިނިވަންކޮށްފައި ވަނީ ދެ އަހަރު ފަހުން 2021 ގައެވެ.
އާރަށް މައްސަލައިގެ އިތުރުން ރ. ފުއްގިރި ކުއްޔަށް ދިނުމުގެ ހިޔާނާތާ ގުޅިގެން ވެސް ޔާމީންގެ މައްޗަށް ދައުވާ ކުރެއެވެ.